Kirurgjia Orale

🦷 Shërbime të Plota të Kirurgjisë Orale

• Kirurgjia orale ofron zgjidhje të personalizuara për trajtimin e problematikave komplekse dentare dhe maksilofaciale. Çdo ndërhyrje planifikohet mbi bazën e një vlerësimi të detajuar klinik, me synim rikthimin e funksionit oral, parandalimin e komplikimeve dhe përmirësimin e cilësisë së jetës së pacientit.

Ekstraksioni i dhëmbëve

Heqja e dhëmbëve të dëmtuar, të infektuar apo të parikuprueshëm, kur ruajtja e tyre nuk është më e mundur. Përfshihen edhe nxjerrjet e komplikuara, si dhëmbët e pjekurisë, të cilat shpesh shkaktojnë dhimbje, inflamacion apo probleme në pozicionimin e dhëmbëve të tjerë. Procedura realizohet me anestezi lokale për një eksperiencë sa më të qetë.

Nxjerrja e dhëmbëve të paerruptuar

Ndërhyrje kirurgjikale për dhëmbët që nuk kanë dalë plotësisht në arkadë ose janë të pozicionuar gabim në nofull. Këto raste trajtohen për të parandaluar infeksione, dhimbje apo komplikime të mëvonshme.

Trajtimi i infeksioneve dhe absceseve

Infeksionet dentare dhe absceseve mund të shkaktojnë dhimbje të forta dhe rrezik për përhapje të infeksionit. Trajtimi kirurgjikal përfshin drenazhimin e zonës së prekur dhe pastrimin e indeve, duke ndihmuar në rikthimin e shëndetit oral.

Rezeksioni apikal

Një procedurë e specializuar që kryhet kur infeksioni në majën e rrënjës së dhëmbit nuk mund të trajtohet me metoda endodontike. Kjo ndërhyrje lejon ruajtjen e dhëmbit dhe ndalon përhapjen e infeksionit në indet përreth.

Ndërhyrje në mishrat e dhëmbëve

Procedura që përfshijnë rimodelimin e gingivave, zgjatimin e kurorës së dhëmbit dhe trajtime të tjera që përmirësojnë si funksionin, ashtu edhe estetikën e buzëqeshjes.

Shtimi dhe rigjenerimi i kockës

Në rastet e humbjes së masës kockore në nofull, realizohen procedura të rigjenerimit ose shtimit të kockës për të krijuar bazën e nevojshme për implantet dentare dhe reabilitim afatgjatë.